मोफसल प्रचार सकेर राजधानी फर्क्यो ‘तिमी हुन्छौ जहाँ जहाँ’ टिम
यहि असार ८ गतेबाट प्रदर्शनमा आउने तयारीमा रहेको फिल्म ‘तिमी हुन्छौ जहाँ जहाँ’ टिम मोफसल प्रचार सकाएर राजधानी फिरेको छ । कलाकार सहितको निर्माण टिम चार दिनको मोफसल टुर सकाएर काठमाडौं फर्केको हो ।
मोफसलका मेजर स्टेशन पोखरा, बुटवल, चितवन, हेटौँडा, धरान र बिराटनगरमा फिल्मको प्रचारात्मक कार्यक्रममा सहभागी हुँदा दर्शकसँग नजिकबाट साक्षात पनि गर्यो । मोफसल टुर उपलब्धिमुलक बनेको तथा धेरै दर्शकले हलमा गएर फिल्म हेर्न प्रतिक्षा गरेर बसेको पाइएको निर्माता डालचन्द्र दवाडीले दाबी गरे ।
दवाडीको साथमा अभिनेत्री मलिना जोशी, अभिनेता मनिष सुन्दर श्रेष्ठसँगै डेब्यू गर्ल तमन्ना केसीसँगै कार्यकारी निर्माता प्रकाश बाँस्कोटा सहितको टिम मोफसल दौडाहामा निस्केको थियो । मोफसलका विभिन्न ठाउँका कलेजहरुमा समेत पुगेर युवा दर्शकसँग समेत कलाकारहरुले साक्षात गरेका थिए ।
लिड कलाकारहरुले फिल्मलाई लिएर धेरै दर्शकहरुले जिज्ञाशा पोखेको र साथदिने बचन दिएको प्रतिक्रिया दिएका छन् । बिकास बस्यालको निर्देशन रहेको चलचित्रमा राम शरण उप्रेतीको सिनेमाटोग्राफी रहेको छ । फिल्मका प्रस्तुतकर्ता मदन दवाडी हुन् भने हरिप्रकाश अधिकारी पनि निर्मातामा छन् । सुरज पौडेलले प्रचार संयोजनको काम गरेका छन् ।
