कन्फर्मः ‘मेरी मामु’मा शारुकसँग ‘प्रेमगीत २’ गर्ल अश्लेषाले जोडी बाँध्ने
यसअघि फिल्मीनेपाल डटकममा प्रकाशित फिल्म ‘मेरी मामु’मा लिड रोलमा ‘प्रेमगीत २’ फेम हिरोइन अश्लेषा ठकुरी र शारुक ताम्राकार लिड रोलमा रहने भन्ने समाचार प्रमाणित भएको छ । फिल्म निर्माता सन्तोष सेनले यसको पुष्टि गरेका छन् ।
फिल्मको लिड रोलमा अब अश्लेषा र शारुकसँगै सेनका ६ बर्षिय छोरा अयुव सेन र उनको मामुको भुमिकामा कुसुम गुरुङ रहनेछिन् । अश्लेषा र शारुकको भुमिकालाई गोप्य राखिएको छ ।आसुसेन फिल्मसको निर्माणमा बन्ने फिल्म बाल मनोविज्ञान र आमा-छोरा बीचको सम्बन्धको वरीपरी घुम्ने निर्माता सेनले बताए ।
यहि असार दोश्रो हप्ताबाट फ्लोरमा जाने बताइएको फिल्ममा नेपालकी पहिलो हिरोइन भुवन चन्द सहित शारुकका पिता तथा पूराना कलाकार सानु ताम्राकार सहित दुर्गा मल्ल ठकुरी र दुई बाल कलाकार कृजन गौतम र शुभम बिष्ट पनि लिड रोलमा रहने बताइएको छ ।
याम थापाको लेखन निर्देशनमा बन्ने फिल्मको रिलिज मिति पनि तय गरिसकिएको छ । आगामी भदौ १५ गते शुक्रबार ( अगष्ट ३१) देखी फिल्म प्रदर्शनमा आउने घोषणा निर्माण टिमले गरेको छ ।
