‘कस्मिक लभ’ औपचारिक घोषणा, प्रशान्तसँग भिड्नेछन् रोबिन !
मुभी मेकर्सको ब्यानरमा निर्माण हुने गरी फिल्म ‘कस्मिक लभ’ को निर्माण घोषणा भएको छ । शुक्रबार काठमाण्डौमा आयोजित एक कार्यक्रमका बीच फिल्मको कास्ट एण्ड क्रू सार्वजनिक गरियो । फिल्मलाई बाबु बलामी र शंकर अधिकारीले निर्देशन गर्दैछन् ।
सुरज प्रधानको प्रस्तुती रहने फिल्ममा अर्पण थापा, प्रशान्त ताम्राकार, रोबिन तामाङ, दिया मास्के लिड रोलमा रहनेछन् । भने रिजन थापा र पुजन थापाले यो फिल्मबाट सिने नगरीमा डेब्यु गर्नेछन् ।
रोमान्टिक कमेडी जनरामा निर्माण हुने आयोजित कार्यक्रममा जानकारी गराइयो । ‘कस्मिक लभ’ मा जय गौतमको लगानी रहने छ,भने कार्यकारी निर्माताका रुपमा डिएन दाहाल छन् । असार ११ बाट छायांकन सुरु गरिने फिल्ममा सुरेश बज्राचार्यको छायांकन रहने छ।
फिल्ममा शेखर ज्ञवालीको लेखन रहनेछ भने संगीत बाबुल गिरीले भर्नेछन् । कबिराज गहतराज र रामजी लामिछानेले फिल्मका गीतमा कोरियोग्राफी गर्नेछन् । बिपिन मल्लले फिल्मलाई सम्पादन गर्नेछन् ।
