क्यूएफएक्सले थप्यो शो, रेस ३ लाई ‘थ्री डी’ मा ५, टु डी मा २८ !
‘थ्री डी’ फर्म्याटमा यो शुक्रबारबाट रिलिज हुन लागेको बलिउड सुपरस्टार सलमान खानको फिल्मको बुधबार मध्यान्ह बुकिङ ओपन हुँदा नेपाली मल्टिप्लेक्सको सबैभन्दा ठुलो चेन भएको क्यूएफएक्सले १ शो मात्र उपलब्ध गराएको थियो । अब भने फिल्मका केहि शोजहरु थप गरिएका छन् ।
क्यूएफएक्सले हाल ‘रेस ३’ लाई थ्री डी फर्म्याटमा ३ शोज थप्दै चार शोज बनाएको छ । सुरुवातमा क्यूएफएक्सको सेन्ट्रल हल मानिने सिभिल मलमा मात्रै शो हालेकोमा थप तीन शो थप्दा लाबिङ मलमा २ र कुमारी हलमा १ शो बढेको छ ।
नर्मल फर्म्याट (टु डी) मा पनि शोज थपिएको छ । सुरुमा १७ शोज राखेको क्यूएफएक्स चेनमा अब सबैगरी २८ शोज वपलब्ध छन् । लाबिङ मलमा ७ शोज र कुमारी हलमा ४ शो थप्दै क्यूएफएक्सले राजधानीमा मात्रै २८ शो यो फिल्मलाई दिएको छ ।
बुकिङ ओपन हुँदा नै धेरै शोहरुमा दर्शकले टिकट अग्रिम बुकिङ गरिसकेका छन् । यो फिल्म बलिउडमा मात्रै नभएर संसारभर नै प्रतिक्षित बनेको छ ।
रेमो डिसूजा निर्देशित यो फिल्ममा सलमानसँगै ज्याकलीन फर्नान्डिज, बबी देओल, अनिल कपूर, डेजी शाहलगायतको लिड रोल छ । इदको उपलक्ष्यमा प्रदर्शनमा आउन लागेको फिल्म हेर्न सलमानले शुभकामना सहित आग्रह गरिसकेका छन् । ‘रेस ३’को नेपाल प्रदर्शन अधिकार गोपिकृष्ण मुभिजले खरिद गरेको छ ।
यो पनि पढ्नुहोसः
