नेपाली मल्टिप्लेक्सले धानेन सलमानको ‘थ्री डी’, क्यूएफएक्समा रेस ३’लाई १ शो !
यो शुक्रबारबाट रिलिज हुन लागेको बलिउडको प्रतिक्षित फिल्म ‘रेस ३’को नेपाल बुलिङ खुल्ला गरिएको छ । बलिउडमा पहिलो पटक ‘थ्री डी’ मा सलमानको फिल्म रिलिज हुँदैछ । यतिबेला ‘रेस ३’ र यसको थ्री डी क्वालिटीलाई लिएर बलिउडमा चर्चा चुलिएको छ ।
तर नेपाली मल्टिप्लेक्सले भने सलमानको ‘थ्री डी’ फिल्मलाई धान्न सकेनन् । क्युएफएक्सले बुकिङ ओपन गर्दा राजधानी चेनमा थ्री डीमा जम्मा १ शो राखेको छ । नर्मल फर्म्याट (२ डी) मा १७ शोज क्यूएफएक्सले राखेको छ ।
बुधबार बुकिङ खुल्दैगर्दा धेरै शोजहरुमा सलमानका नेपाली शुभचिन्तकहरुले अग्रिम टिकट बुक गराइसकेका छन् । सिभिल मलका सबैजसो शोजहरुमा दर्शकहरुले टिकट कब्जा गरेका छन् ।
रेमो डिसूजा निर्देशित यो फिल्ममा सलमानसँगै ज्याकलीन फर्नान्डिज, बबी देओल, अनिल कपूर, डेजी शाहलगायतको लिड रोल छ । इदको उपलक्ष्यमा प्रदर्शनमा आउन लागेको फिल्म हेर्न सलमानले शुभकामना सहित आग्रह गरिसकेका छन् । ‘रेस ३’को नेपाल प्रदर्शन अधिकार गोपिकृष्ण मुभिजले खरिद गरेको छ ।
नोटः समाचार प्रकाशित भएपश्चात क्यूएफएक्सको काठमाडौं च्यानलमा ‘रेस ३’का दर्जन बराबर शोजहरु थप गरिएका छन् ।
