मिलन र बाबुलको स्वरमा ‘कस्मिक लभ’को माया तिमीलाई

निर्माण घोषित फिल्म ‘कस्मिक लभ’को ‘माया तिमीलाई’ बोलको गीतको हालै रेकर्डिङ गरिएको छ । लभस्टोरी फ्लेभरको उक्त गीतमा बाबुल गिरी र मिलन अमात्यले स्वर दिए । गीतको शब्द दिनेश सुवेदीले लेखेका छन् ।

शंकर अधिकारीको निर्देशनमा बन्ने फिल्म असार दोश्रो साताबाट फ्लोरमा जाने तयारीमा छ । फिल्ममा प्रशान्त ताम्राकार, अर्पण थापा र अभिनेत्री दिया मास्के लिड अभिनयमा रहने फाइनल हुँदा अन्य कलाकारको नाम निर्माण टिमले बाहिर ल्याएको छैन ।

जय गौतमले निर्माण गर्ने ‘कस्मिक लभ’मुभी मेकर्सको ब्यानरमा र सुरज प्रधानको प्रस्तुतिमा तयार हुनेछ । डी . एन. दाहाल कार्यकारी निर्माता रहनेछन ।
फिल्ममा सुरेश बज्राचार्यले छायांकन रहनेछ भने कोरियोग्राफी कविराज गहतराज र रामजी लामिछानेले गर्नेछन् । फिल्मको कथा शेखर ज्ञावलीले लेखेका हुन् ।