रेवत र लाक्पाको स्वरमा सजिनासँग पुष्पको ठुम्का (भिडियो)
उदयिमान गायक रेवत राईको पछिल्लो गीत ‘पानी तालैमा’ रिलिज भएको छ । रेवतसँगै फिमेल भर्सनमा लाक्पा शेर्पा लामाको स्वर रहेको गीतको भिडियो सोमबार मात्रै राजधानीमा प्रिमियर गरियो । युट्युवमा निर्माण कम्पनि म्युजिक हाइलाइट्सले आफ्नै च्यानल मार्फत वर्डवाइड प्रिमियर गराएको छ ।
सुन्दर लोकेशनमा खिचिएको गीतमा शब्द संगीत बसन्त सापकोटाको छ । राजधानीमा आयोजित एक कार्यक्रममा प्रमुख अतिथी बनेका भेट्रान गायक राजेशपायल राईले रेवतको प्रतिभाको तारिफ गरे । यसअघि कोरियामा आयोजित एक कार्यक्रममा आफुसँगै स्टेज सेयर गर्दा रेवतको कलालाई नजिकबाट नियालेको सम्झिँदै राजेशपायलले उनको भविष्य उज्जल भएको बताए ।
बसन्त सापकोटाले सार्वजनिक गीतमा सुमधुर संगीत भरेका छन् । भिडियोमा मोडल तथा अभिनेता पुष्प खड्का र मोडल सजिना तामाङ फिचर छन् । क्यामेरा तथा भिडियो सम्पादनको काम ओम प्रसाइंले गरेका छन् । राजिव समरको कोरियोग्राफी गरेको भिडियोलाई नेत्र किराँतीले निर्देशन गरेका छन् ।
भिडियो हेर्नुहोसः
