‘वीराङ्गना’ गीत रिलिज, माया साट्दै शिल्पा र पृथ्वी (भिडियो)
असार २९ लाई प्रदर्शन मिति तय गरेको फिल्म ‘वीराङ्गना’को प्रेमिल गीत रिलिज भएको छ । सार्वजनिक ‘तिम्रो हाम्रो मायामा’ बोलको गीतमा लिड कलाकार शिल्पा पोखरेल र पृथ्विराज प्रसाइँ फिचर छन् ।
सार्वजनिक गीतमा स्वर कृष्ण काफ्ले र रेश्मा पुनः को छ । संगीत दीपक शर्माले भरेको गीतको शब्द रघु परियारको हो । यो फिल्मलाई राजबहादुर सानेले निर्देशन गरेका हुन् । सुरेन्द्र बस्यालले कोरियोग्राफी गर्दा क्यामेरा रामेश्वर कार्कीले चलाएका छन् ।
फोर्थ आई मुभिजको ब्यानरमा बाबुराम दास, श्यामबहादुर थापा, रघु परियार, देव तामाङ र बिमला भट्टले फिल्मलाई निर्माण गरेका हुन् । सुमी चामलिङ राई सह निर्माता छिन् ।
नारी प्रधान एक्शन लभ जनरामा निर्माण भएको भनिएको फिल्ममा शिल्पा र पृथ्वीका अलावा अनुपविक्रम शाही, प्रज्वल गिरी, प्रिया रिजाल, धिरेन शाक्य, सुशील पोखरेल, कृष्ण शिवाकोटी, ध्रुव कोइराला, अंशु थापा, अमृत सापकोटा लगायतको अभिनय रहेको छ ।
