आकाशकी ड्रिमगर्ल आश्मा, ‘तिम्रो मायामा’ रोमान्टिक गीत रिलिज (भिडियो)
फिल्म ‘ड्रिमगर्ल’को गीत रिलिज भएको छ । ‘तिम्रो मायामा’ बोलको रोमान्टिक गीतमा लिड कलाकार आकाश श्रेष्ठ र आश्मा गिरी प्रेमिल मुद्रामा फिचर छन् ।
सार्वजनिक गीतमा अञ्जु पन्त र सुरेश लामाको स्वर छ, संगीत अर्जुन पोखरेलले भरेका छन् । अम्बिका शर्माले शब्द लेखेकी छिन् । ऋषिराज आचार्य निर्देशित फिल्म आगामी असोज १९ बाट दर्शकमाझ आउँदैछ ।
फिल्मको नामले नै प्रेमकथा बोल्छ । ठुलोपर्दामा आश्माको यो डेब्यू फिल्म हो । ‘ड्रिमगर्ल’मा आकाश र आश्मासँगै सरोज खनाल, अर्जुन श्रेष्ठ, लक्ष्मी गिरी, निर्मल शर्मा, सुरविर पण्डित, पुजा पराजुली, शिशिर भण्डारी लगायत लिड अभिनयमा छन् ।
सम्राट बस्नेतको द्वन्द्व रहेको फिल्मलाई नविन निरौलाले सम्पादन गरेका छन् । गम्भिर विष्टको कोरियोग्राफी छ । रामेश्वर हुमागाइँ र राहुल गिरीले फिल्म खिचेका हुन् ।
