२९ दिनमा रेखाको ‘मालिका’ इण्डक्ल्याप
अभिनेत्री रेखा थापाको निर्देशन रहेको फिल्म ‘मालिका’को छायांकन सकिएको छ । फ्लोरमा गएको २९ औं दिनमा फिल्मको सम्पुर्ण छायांकन सकिएको निर्माण टिमले बताएको छ ।
रेखाको आफ्नै निर्माण तथा अभिनय रहेको ‘मालिका’मा जाजरकोटकी कमला ओली मुख्य भूमिकामा प्रस्तुत भएकी छिन् । फिल्मको अधिकांश दृश्य जाजरकोटमा नै खिचिएको छ । जाजरकोटमा छायांकन सकाएर निर्माण टिम काठमाडौं फर्किँदैछ ।
फिल्मको छायाँकन जाजरकोट सहित काठमाण्डौं, बनेपा, बाँके लगायत क्षेत्रमा गरिएको छ । टिमको सक्रियता र मौसमले साथ दिंदा समयमै फिल्मको छायांकन सकिएको रेखाको भनाई छ । नरबहादुर कार्की निर्माता रहेको मालिकाको कथा पनि कार्की कै हो । शिवम अधिकारी फिल्मका स्क्रिप्ट राइटर हुन् । यस्तै फिल्ममा रामशरण उप्रेतीको छायाँकन र सुरेश अधिकारीको संगीत छ । कोरियोग्राफी रामजी लामिछानेले गरेका छन् । द्धन्द्ध निर्देशन श्री श्रेष्ठको छ ।
‘मालिका’मा निर्माताको रुपमा सरस्वती थापा र तारा थापाको नाम रहेको छ । बाल विवाह अन्त्य र महिला शशक्तिकरणको विषयमा आधारित रहेको फिल्मलाई आगामी तिहारमा रिलिज गर्ने तार्गेट रेखाले राखेकी छिन् ।
