रिलिजको छेकोमा ‘चङ्गा’ वियोगान्त गीत रिलिज
कमेडी फ्लेभरको फिल्म ‘चङ्गा’ यहि शुक्रबारबाट प्रदर्शनको लागी तयार छ । यो बीचमा हालै चलचित्र जाँचपास समितिबाट सबैले हेर्न पाउने गरी युनिभर्सल सर्टिफिकेट पाएको फिल्मको स्याड भर्सनको गीत रिलिज भएको छ । सार्वजनिक ‘मेरी आमा… पल पल’ बोलको गीतमा आमा र छोराको प्रेम पोखिएको छ । बाल कलाकार लकी भण्डारी मुख्यतः फिचर छन् ।
गीतमा स्वर, संगीत तथा शब्द कमल खत्रीको छ । संगीत एरेञ्जको काम विश्वेस्वर तण्डुकारले गरेका छन् । कन्टिन्यूज मुभी मेकरको प्रस्तुतिमा तयार फिल्मलाई किशोर भण्डारीले निर्देशन गरेका हुन् । उनि नै फिल्मका तगानीकर्ता हुन् ।
‘चङ्गा’लाई वितरणको जिम्मा मोफसलमा एफडी कम्पनि र राजधानीमा करण श्रेष्ठको रिच इन्टरटेन्मेन्टले लिएको छ । यो फिल्ममा बुद्धि तामाङ, अंकित खड्का, प्रेमबर्षा खड्का, लक्ष्मी बर्देवा, जीवन भट्टराइ, कमलमणी नेपाल, रेश्मा तिमिल्सिना मुख्य भुमिकामा छन् ।
