मलिना स्टारर ‘तिमी हुन्छौ जहाँ जहाँ’ ट्रेलर रिलिज
पुर्व मिस नेपाल मलिना जोशी स्टारर फिल्म ‘तिमि हुन्छौ जहाँ जहाँ’को ट्रेलर रिलिज भएको छ । राजधानीमा आयोजित एक कार्यक्रमका बीच निर्माण टिमले ट्रेलर रिलिज गरेको हो । ट्रेलरमा प्रेम, रोदन र द्वन्द्वलाई प्राथमिकता दिइएको छ । फिल्मको नामले नै प्रेमभाव बोल्छ ।
ट्रेलरमा मलिनासँगै लिड कलाकार मनिष श्रेष्ठ, तमन्ना केसी, स्वरुप पुरुष ढकाल लगायत फिचर छन् । फिल्मको यसअघि नै टाइटल गीत रिलिज गरिएको थियो । आगामी असार ८ गतेबाट यो फिल्म दर्शकमाझ आउँदैछ ।
विकास वस्याल निर्देशित फिल्मलाई मदन दवाडी, डालचन्द्र दवाडी र हरिप्रसाद अधिकारीले निर्माण गरेका हुन् । फिल्मको कथा पनि निर्देशक वस्यालको नै हो । पटकथा र संवाद माधव घिमिरेले लेखेको फिल्मलाई राजधानीमा विके फिल्मस् र मोफसलमा एफडी कम्पनिले वितरण अधिकार लिएको छ ।
