‘बागी ३’ बन्ने कन्फर्म, संभावित रिलिज घोषणा

टाइगर श्राफ स्टारर फिल्म ‘बागी’को सफलतासँगै यसको सिक्वेल बन्यो । ‘बागी २’ ले पनि बलिउड बक्सअफिसमा कमाल गर्यो । फिल्मले रेकर्डतोड बिजनेस गर्यो । बलिउडमा कुनै पनि युवा स्टारको फिल्मले पहिलो दिन २५ करोड १० लाख कमाइ गरेको बिजनेस भारतमै पहिलो भयो ।

अब भने ‘बागी’को तेश्रो सिक्वेल पनि बन्ने कन्फर्म भएको छ । हालै निर्माण टिम तथा यहि सिरिजबाट स्टार बनेका अभिनेता टाइगरले पनि यो कुरा पुष्टि गरेका छन् । फिल्म सिक्वेल रहँदै गर्दा पनि कथावस्तु तत्कालिन परिवेश अनुरुप हुने बताइएको छ ।

फिल्मलाई २०१९ सालमा प्रदर्शनमा ल्याउने समेत तयारी स्वरुप निर्माण कार्य अघि बढाउने निर्माण टिमले बताएको छ । बलिउडमा भित्रिएको छोटो समय (चार बर्ष) भित्रै कमालको फ्यान फलोइङ कमाएका टाइगर धेरै महिला फ्यानहरुको ढुकढुकी पनि हुन् ।