दीपिकाको बक्सअफिस भ्याल्यू २ हजार करोड !
बलिउडकी लिडिङ लेडी हुन् अभिनेत्री दीपिका पादुकोण । पछिल्लो केहि बर्षयता आफुलाई नम्बर वान अभिनेत्रीको रुपला चिनाउँदै आएकी दीपिका यतिबेला सर्वाधिक कमाइ गर्ने फिल्महरुको महत्वपुर्ण सदस्य बनिसकेकी छिन् । उनले बलिउडदेखि हलिउडसम्म आफ्नो उपस्थिति जनाउँदा विभिन्न विज्ञापनहरुमा पनि आफुलाई सोहि प्रकारको व्यस्त बनाउँदै लगिरहेकी छिन् ।
हालै वलिउडमा उनलाई २ हजार करोड क्लबकी हिरोइनको ट्याग भिराइएको छ । उनले अभिनय गरेका सात वटा फिल्महरु सय करोड क्लब छन् भने २ फिल्मले २ सय करोडको माइलस्टोन पार गरेका छन् । यस्तै पछिल्लो रिलिज दीपिकाको ‘पद्मावत’ले ३ सय करोड क्लब ज्वाइन गर्दै गर्दा दीपिकालाई २ हजार करोड क्लबकी हिरोइनको ट्याग दिइएको छ । उनले अभिनय गरेका धेरै फिल्म सय करोड आसपास समेत छन् ।
दीपिकाको बक्स अफिस भ्याल्यू ‘अलमस्ट’ २ हजार करोड बनिसकेको बलिउड अनलाइन कोइमोइ डटकम लेख्छ । पछिल्लो क्रममा बलिउडकी सर्वाधिक ‘फेशन कन्सियस’ अभिनेत्रीको उपमा समेत पाएकी दीपिका जहाँ पुग्छिन् त्यहाँ चर्चा चलिहाल्छ । दीपिका बलिउडकी सर्वाधिक महँगी अभिनेत्री पनि हुन् । सँगै निर्माता निर्देशकले सर्वाधिक खोजी गर्ने अभिनेत्रीको सुचीमा पनि उनि पहिलो नम्बरमा आउँछिन् ।
