आशिरमान र आनाको ‘अजम्बरी माया’लाई करोड बढि नजर !

फिल्म ‘ग्याङ्गस्टर ब्लूज’मा समावेश गीत ‘अजम्बरी लाउँला पिरती’ बोलको गीत युट्युवमा १ करोड बढि पटक हेरिएको छ । दर्शक तथा श्रोताले रिलिजको समयदेखि नै औधी रुचाएको तथा धेरैको मानसपटलमा बसिसकेको यो गीतले युट्युवमा १ करोड बढि भ्यूज पाउने विभिन्न गीतहरुको सुचीमा आफुलाई पनि उभ्याएको छ ।

गीतमा अभिनेता आशिरमान देशराज जोशी र आना शर्मा फिचर छन् । उनिहरु फिल्म भित्रमा मुख्य सदस्य हुन् । गीतको भिडियोमा आशिर र आनाको प्रेमिल क्षणहरुलाई प्रस्तुत गरिएको छ । कालिप्रसाद बाँस्कोटाले गीतमा संगीत भरेका छन् भने स्वरमा कालिप्रसादलाई मेलिना राईले साथ दिएकी छिन् । गीतको शब्द सविन एकतारे र कालिप्रसादले लेखेका छन् ।

सुन्दा सुमधुर लाग्ने उक्त गीत गत बर्ष रिलिज फिल्मका केहि उत्कृष्ट गीतहरु मध्येको एक हो ।हेमराज बिसी निर्देशित फिल्मले कमर्सियल रुपमा औसत विजनेस गरेको थियो । यो फिल्मबाट आशिरले नव अभिनेताको अवार्ड समेत चुमिसकेका छन् । सरोज न्यौपानेले फिल्मका निर्माता हुन् ।