आलिया पावर, सय करोड क्लबमा ‘राजी’

बलिउड फिल्ममा युवा स्टारको उपमा पाएकी अभिनेत्री आलिया भट्ट स्टारर फिल्म ‘राजी’ले सय करोड व्यापार गरेको छ । प्रदर्शनमा आएको १७ औं दिनमा फिल्म एक सय करोड बढि कमाइ गर्न सफल बन्यो ।

‘राजी’ले सय करोडको बिजनेस गर्ने कमैले अनुमान लगाएका थिए । किनकी फिल्मको ओपनिङ डे बिजनेस जम्मा ७ करोड ५३ लाख थियो । तर उत्कृष्ट वर्ड अफ माउथ तथा क्रिटिक्सबाट सोहि प्रकारको समिक्षा भेटेपछि फिल्मप्रति दर्शकको क्रेज बढ्यो । दिनका दिन राम्रो बिजनेस गर्न सफल भयो ।

बलिउड मिडियाहरुले आलियाको स्टारडमलाई खुलेर प्रशंसा गरेका छन् । उनले फिल्ममा निभाएको भुमिकाले ठुलो तारिफ भेटेको छ । आलियाको हातमा अर्को पनि सफलता मिलेको छ कि ‘राजी’ कंगना रनावतको ‘तनु वेड्स मन्नु रिटर्न्स’पछिको सय करोड क्लबमा प्रवेश गर्ने दोश्रो नारी प्रधान फिल्म बनेको छ ।