फर्पिङमा भेटिए ‘चङ्गाचेट’को लागी छपाएका नक्कली नोट, एक युवक पक्राउ

फिल्म ‘चङ्गाचेट’को लागी छापिएका नक्कली नोटहरु बजारमा यत्रछत्र भेटिन थालेका छन् । हालै प्रहरीले फर्पिङबाट २ थान हजार रुपैयाँका नक्कली नोटसहित एक युवकलाई पक्राउ गरेको छ ।

ती युवकले उक्त नोट यसअघि नै पक्राउ परिसकेका ‘चङ्गाचेट’ फिल्म निर्माता माधव कै समुहका मान्छेहरुबाट लिएको बयान प्रहरीलाई दिएका छन् । योसँगै प्रहरीले अन्य ठाउँमा पनि नक्कली नोट पुगेको हुनसक्ने भन्दै सचेत हुन आग्रह गरेको छ ।

फिल्मको लागी छापिएको भनिएको २ करोड ६० लाख ६३ हजार नक्कली नोट सहित ६ जनालाई गत जेठ २ गते प्रहरीले पक्राउ गरेको थियो । हिरासतमा रहेका सोहि समुहका मुख्य भनिएका निर्माता वाग्ले सहितका सदस्यहरुलाई यतिबेला प्रहरीले अनुसन्धान गरिरहेको छ । वाग्लेले भने आफुलाई आफ्नै केटाहरुले फसाएको बयान दिएका छन् ।

तश्चिर श्रोतः पहिलोपोस्ट