‘ए मेरो हजुर ३’ मा अनमोल अनुबन्धित, झरनाकी छोरीले गर्नेछिन् डेब्यु रोमान्स

झरना थापाको निर्देशनमा बन्ने ‘ए मेरो हजुर ३’ मा स्टार अभिनेता अनमोल केसी अनुबन्ध भएका छन् । फिल्ममा झरनाकी छोरी सुहानी थापाले डेब्यु गर्ने पनि पक्का भएको छ । अनमोलले सुहानीसँग रोमान्स गर्नेछन् ।

भदौदेखि छायाँकनमा जाने फिल्ममा अनमोल र सुहानी शनिबार मात्रै अनुबन्ध भएको बुझिएको छ । फिल्ममा अन्य कलाकार को रहने भन्ने बाहिर ल्याइएको छैन ।

फिल्म आगामी भदौबाट फ्लोरमा जाने बताइएको छ । ए मेरो हजुर ३ मा यसअघि प्रदीप खड्का रहन सक्ने चर्चा चलेको थियो । ए मेरो हजुर को दोश्रो सिक्वेल निर्देशन गर्दै एक्शन कटमा होमिएकी झरनाले पहिलो निर्देशनमा नै सफलता हात पारेकी थिइन् ।