‘रोमियो एण्ड मुना’ गीत रिलीज, विनयसँग माया साट्दै सृष्टि (भिडियो)

श्रावण ११ लाई प्रदर्शन मिति तय गर्दै फिल्म ‘रोमियो एण्ड मुना’को गीत रिलिज गरिएको छ । राजधानीमा आयोजित एक कार्यक्रमका बीच फिल्ममा समावेश ‘पल पल’ बोलको गीत रिलिज गरियो । गीतमा प्रेमभाव पोखिएको छ ।

आर्टिस्टिक तरिकाले प्रस्तुत गरिएको फिल्मको गीतमा लिड कलाकार विनय श्रेष्ठ र अभिनेत्री सृष्टि श्रेष्ठ फिचर छन् । सृष्टिले विनयसँग प्रेम खोज्दै अनि पोख्दै गर्दा भेटिन्छिन् । गीतमा स्वर सुक्मित गुरुङको छ । विश्व शाहिको शब्द तथा संगीत छ । कोरियोग्राफी राजिव समर र नरेशकुमार केसीको छ । नरेश फिल्मका निर्देशक हुन् ।

गीतमा एनिमेशन तथा भिएफएक्स आइड्रिम एनिमेशनको तर्फबाट गरिएको छ । लोकेश श्रेष्ठले सम्पादन गरेका छन् । विनय र सृष्टिसँगै प्रज्वल सुजल गिरी, शुष्मा कार्की, सुरक्षा पन्त फिल्ममा लिड अभिनयमा छन् ।