समुन्द्रसँग माया साट्दै एलिजाः ‘अनुराग’ रोमान्टिक गीत रिलिज

फिल्म ‘अनुराग’को रोमान्टिक गीत रिलिज भएको छ । सार्वजनिक ‘यस्तो साथी’ बोलको गीतमा अभिनेत्री चर्चित पत्रकार ऋषि धमला पत्नि एलिजा गौतमलाई डेब्यू ब्वाई समुन्द्र पण्डितससँग रोमान्टिक अबतारमा देख्नसकिन्छ । सुन्दर लोकेशनमा गीत छायाँकन गरिएको छ ।

गीतमा स्वर सुगम पोखरेल र अञ्जु पन्तको छ भने संगीत सरोज पोखरेलको छ । शब्द फिल्म निर्देशक सत्यराज चौलागाइँले लेखेका छन् । कोरियोग्राफी विक्रम स्वाँरको छ । रामकुमार केसीले छायाँकन गरेका छन् । महाराज थापाको एरेञ्ज छ ।

ऋषि धमला प्रस्तुतकर्ता रहेको फिल्मको टिम पटक पटक रिलिज मिति फेरबदल सहित श्रावण २५ लाई अन्तिम रिलिज लक गरेर प्रचार प्रसारमा उत्रिएको छ । एरिका फिल्मस् प्रोडक्सनको ब्यानरमा ‘अनुराग’ तयार भएको हो । फिल्ममा किरण दाहालको कथा छ ।