कमेडीले भरिपुर्ण ‘चङ्गा’ ट्रेलर रिलिज (भिडियो)
फिल्म ‘चङ्गा’को ट्रेलर रिलिज भएको छ । आगामी जेठ २५ लाई प्रदर्शन मिति तय गरेको फिल्मको केहि दिन पहिले रिलिज ‘कम्पनि माला’ बोलको गीतले लोकप्रियता बढाउँदै जाँदा निर्माण टिमले ट्रेलर रिलिज गर्यो । सोमबार राजधानीमा आयोजित एक कार्यक्रमका बीच सार्वजनिक ट्रेलरमा कमेडी प्लटलाई प्राथमिकता दिइएको छ ।
निर्देशक किशोर भण्डारी ‘डिट्ठासाप’ले फिल्मले कोहि कसैको यथार्थ कथा बोल्ने आधारित दाबी गरे । पछिल्लो समय विभिन्न फिल्ममा कथा चोरीको आरोप आइरहँदा विसुद्ध मनोरञ्जनात्मक कथामा ‘चङ्गा’ तयार भएको भन्दै कुनै विदेशी फिल्मबाट प्रभावित भएको भन्ने भ्रमबाट बाहिर निस्किन दर्शक तथा शुभचिन्तकहरुलाई अपिल समेत निर्देशक भण्डारीले गरेका छन् ।
ट्रेलरमा लिड कलाकार अंकित खड्का, लक्ष्मी बर्देवा, बुद्धि तामाङ, कमलमणी नेपाल, प्रेमबर्षा खड्का, रेश्मा तिमिल्सिना, जीवन भट्टराइ, राजन खतिवडा, लक्की भण्डारी लगायत मुख्य फिचर छन् । रेश्मा फिल्मकी मुख्य निर्माता पनि हुन् । प्रकु पाण्डे कार्यकारी निर्माता रहेको फिल्ममा निर्देशक भण्डारीको पनि लगानी छ ।
राजनराज शिवाकोटी र कमल खत्रीको संगीत रहेको फिल्मलाई रविन आचार्यले खिचेका हुन् । कविराज गहतराजको कोरियोग्राफी छ । निर्देशक भण्डारीकै कथामा बनेको फिल्मलाई काठमाडौंमा करण क्रेजी श्रेष्ठको रिच इन्टरटेन्मेन्ट र मोफसलमा एफडी कम्पनिले वितरणको जिम्मा लिइसकेको छ ।
