पुष्करको प्रेममा मख्ख आरोही, गजितले छोडेनन् निश्मालाई (हैरान गीत)

जेठ ४ लाई प्रदर्शन मिति तय गरेको फिल्म ‘हैृरान’को रोमान्टिक गीत रिलिज भएको छ । सार्वजनिक ‘तिमी मुस्कुराउँदा’ बोलको गीतमा लिड कलाकार गजित विष्ट, आरोही शर्मा, निश्मा घिमिरे र पुष्कर रेग्मी फिचर छन् । निश्मा र गजितसँगै आरोही र पुष्करको जोडीलाई रोमान्टिक पाराले फिचर गरिएको छ ।

गीतमा स्वर सत्यराज आचार्य र दुर्गा परियारको छ । संगीत सन्तोष श्रेष्ठले भरेका छन् । आकर्षक लोकेशनमा गीत छायाँकन गरिएको छ । कोरियोग्राफी गम्भिर विष्टको छ । विश्वकै कान्छा निर्देशक सौगात विष्टले फिल्म निर्देशन गरेका हुन् ।

फिल्ममा सागर लम्साल ‘बले’, सरोज खनाल, बुद्धि तामाङ, सत्यराज आचार्य, शिशिर भण्डारी, एञ्जल राइ लगायत लिड अभिनयमा छन् । सम्झना पोखरेल कार्यकारी निर्माता हुन् ।