‘सञ्जु’ दुई पोस्टर रिलिजः सञ्जयको जेल अबतारमा रणविरको यस्तो लुक्स
केहि हप्ता पहिले फिल्म ‘सञ्जु’को टिजर रिलिज भयो । बलिउडदेखि विश्व सिनेमा बजारसम्म नै टिजरले तहल्का मच्चायो । नेपालमा पनि हप्तादिन सम्म टिजर नम्बर वान ट्रेण्डिङमा पर्यो । यो फिल्मलाई यतिकै पनि प्रतिक्षित मानिँदै आइएको छ ।
२९ जुनमा रिलिज हुने फिल्मको हालै २ पोस्टर रिलिज गरिएको छ ।सञ्जय दत्तको बायोपिक फिल्मको सार्वजनिक पोस्टरमा सञ्जय बनेका अभिनेता रणवीर कपुर दुरुस्तै देखिन्छन् । पोस्टरमा सञ्जयदत्त जेलमा रहँदाको क्षणलाई चित्रण गरिएको छ ।
निर्देशक राजकुमार हिरानीले २०१३ मा आफुले सञ्जयलाई जेलमा भेट्दा देखेको अबतारलाई पोस्टरमा चित्रण गरेको बताएका छन् । उनले टुइटरमार्फत फिल्मको पोस्टर रिलिज गरेका हुन् ।
