आर्यन र साम्राज्ञीको ‘कायरा’ रिलिज घोषणा
आर्यन सिग्देल र साम्राज्ञी राज्यलक्ष्मी शाह स्टारर फिल्म ‘कायरा’को प्रदर्शन मिति तय भएको छ । वितरक सुनिल मानन्धरले फिल्मलाई आगामी श्रावण १८ बाट दर्शकमाझ ल्याउने बताएका छन् ।
अधिकांश दृश्य फिलिपिन्समा खिचिएको फिल्मलाई लक्ष्मण रिजालले निर्देशन गरेका छन् । कल्याण सिंहको संगीत छ । क्यामेरा शिवराम श्रेष्ठले चलाएका छन् । फिल्मले प्रेमकथा बोल्छ ।
पछिल्लो समय क्रेज खस्केको आरोप खेपेका आर्यनलाई यो फिल्म निकै महत्वपुर्ण मानिएको छ । त्यसो त उनले आफ्नै निर्माणमा बनाएको फिल्ममा साम्राज्ञीलाई अनुबन्धन गर्दै गर्दा ‘सेफ ल्याण्डिङ’को लागी साम्राज्ञी रोजेको आरोप पनि लागेको थियो ।
