सुटिङमै कमजोरी, ‘साइन प्याड’ बिना फुटबल मैदानमा अनमोल
स्टार अभिनेता अनमोल केसी यतिबेला फिल्म ‘क्याप्टेन’को छायांकनमा व्यस्त छन् । हालै फिल्मको छायाकन दौरानको एक तश्विर बाहिरिएको छ । जहाँ अनमोल फुटबल जर्सीमा खेल मैदानमा छन् । तर उनमा एक फुटबल प्लेयरमा हुने पुर्णता देखिँदैन ।
प्राप्त तश्विर (माथी उल्लेख भएको)मा अनमोल ११ नम्बरको जर्सीमा मैदानमा पोज दिँदै देखिन्छन् । झापाको एक खेल मैदानमा गरिएको फिल्मको सुटिङको क्रममा अनमोललाई खेलाडी अबतारमा त प्रस्तुत गरियो तर निर्माण टिम तथा निर्दशक दिवाकर भट्टराईले सानो कुरामा ख्याल नगर्दा चिप्लिएका छन् । अनमोलले लगाएको सेतो मोजा भित्र खेलाडीले लगाउने ‘साइन प्याड’ देखिँदैन ।
खुट्टाको सहायताले खेल्ने फुटबल खेलमा खेलाडीको सुरक्षाको लागी ‘साइन प्याड’ नभइ नहुने वस्तु हो । हरेक खेलमा यो अनिवार्य रहन्छ । तर खेलाडीको अबतारमा मैदानमा प्रस्तुत हुँदा अनमोलले उक्त प्याड प्रयोग नगरेको दृश्य बाहिरिँदा फिल्म निर्माण टिमले आलोचना खेप्ने निश्चित छ ।
भलै तश्विर पश्चातको भिजुअलमा अनमोलले उक्त प्याड प्रयोग गर्लान, तर छायांकन स्थालबाट बाहिरिएको तश्विरमा नदेखिनु स्वभाविक नहुनसक्छ । तर अनमोलसँगै दृश्य दिएका अर्का एक खेलाडीमा भने ‘साइन प्याड’ देख्नसकिन्छ ।
फिल्ममा अनमोलसँगै विल्सनविक्रम राई, सुनिल थापा, उपासना सिंह ठकुरी, प्रियंका एमवी लिड रोलमा छन् । भुवन केसी फिल्मका निर्माता हुन् ।
तश्विर श्रोतः फेसबुक (फोटो हाउस)
