सलमान, आमिरदेखि काजोलसम्म, जान्नुहोस् कसको पढाइ कति ?
करिश्मा कपूरको नाम बलिउडमा प्रसिद्ध नाममा पर्छ । फिल्म ‘प्रेम कैदी’ बाट आफ्नो करिअर शुरु गरेकी करिश्मा पछि फर्केर हेर्नुपरेको छैन । आफ्नो अभिनय र नृत्यले गर्दा दुनियाँको मन जितेकी यी अभिनेत्रीले भारतको राष्ट्रिय फिल्म पुरस्कार पनि जितेकी छिन् । तर, उनले जम्मा पाँच कक्षासम्म मात्र पढेकी छिन् ।
अर्का अभिनेता सलमान खान बलिउडका स्टार मानिन्छन् । उनले फिल्ममा बढी चासो देखाए, उनले पढाइलाई अगाडि बढाउन सकेनन् । उनका हरेक फिल्म हिट छन् भने बलिउडमा उनलाई सेन्सेटिभ अभिनेताका रुपमा पनि हेर्ने गरिन्छ । यी अभिनेताले पढाइको कुरा गर्नुपर्दा जम्मा १२ कक्षासम्मको अध्ययन पूरा गरेका छन् ।
अर्का अभिनेता अक्षय कुमार आज बलिउडका शीर्ष नेतामध्ये व्यस्त अभिनेतामा पर्छन् । उनीसँग कामको कमी छैन । उनले फिल्ममा अभिनय मात्र गरेका छैनन्, फिल्ममार्फत सन्देश दिन पनि खोजेका हुन्छन् । वायोपिक फिल्ममा पनि उनी उत्तिकै सक्रिय देखिन्छन् । हालै उनले राष्ट्रिय पुरस्कार पाए । यी अभिनेताले औपचारिक पढाइ भने ११ कक्षासम्म मात्र पूरा गरेका छन् ।
अर्की अभिनेत्री काजोलले जम्मा १० कक्षासम्म पढेकी छिन् । तर, बलिउड अभिनेत्रीमा उनको नाम अगाडि आउने नाम हो । उनले अभिनयमार्फत कैयन् फ्यान कमाएकी छिन् । उनले ६ वटा त फिल्मफेयर अवार्ड नै पाएकी छिन् । तीमध्ये पाँचमा सर्वश्रेष्ठ अभिनेत्रीको पुरस्कार थियो ।
पछिल्लो समयका चलेका अभिनेता हुन् अर्जुन कपूर । उनको औपचारिक पढाइ जम्मा ११ सम्म मात्र छ । उनले फिल्ममा आफ्नो अभिनय करिअरका लागि धेरै नै मेहनत गरेका छन् ।
सलमान खानसँगै अर्का खानमा नाम आउँछ अभिनेता आमिर खानको । यी दंगल अभिनेताले कलेजको पढाइ भने गरेका छैनन् । उनले धेरै पढेका छैनन् तर सामाजिक मुद्दा र फिल्मका विषयमा शिक्षा र समाजलाई प्रभाव छोड्ने फिल्म बनाउँछन् ।
(एजेन्सी उद्धृत गर्दै कलाकारिताको सहयोगमा)
