‘झमकबहादुर’ ट्रेलर रिलिज, अनुपको यो कस्तो अबतार (भिडियो)

फिल्म ‘झमकबहादुर’को ट्रेलर रिलिज भएको छ । सोमबार आयोजित एक कार्यक्रमका बीच निर्माण टिमले ट्रेलर रिलिज गर्यो । फिल्मको ट्रेलरमा अभिनेता अनुपबिक्रम शाहिलाई हालसम्म रिलिज सबै फिल्म भन्दा फरक अबतारमा देखिएका छन् । सुस्तमनस्थितीको पात्रको भुमिका निभाएका अनुप लामो कपालमा देखिन्छन् । उनका धेरै संवाद पनि ट्ररेलरमा जोडिएको छैन ।

दियालो इन्टरटेन्मेन्टको ब्यानरमा बनेको फिल्मलाई भोमन कटुवालले निर्देशन गरेका छन् । मिनकुमार तामाङ निर्माता छन् ।कल्याण अधिकारीको कथामा बनेको फिल्ममा अनुपसँगै यादव देवकोटा, राजु कमेडी, सुजता थापा, मिनकुमार तामाङ, नियोना गुरुङ, राजन महर्जन, कोनिका घिमिरे लिड अभिनयमा छन् ।

फिल्ममा एक्सन राजु किरांतको छ भने क्यामेरा पवन गौतमले चलाएका छन् । अनिलकुमार महर्जन सम्पादक छन् । रञ्जित गजमेरको संगीत रहेको ‘झमकबहादुर’को रिलिज मिति आगामी श्रावण १८ लाई तोकिएको छ ।