‘कप्स’ बन्दै अनुपबिक्रम, सन्दीपाको ठुलोपर्दामा डेब्यू
अनुपबिक्रम शाहि पछिल्लो सयमा नेगेटिभ अभिनयमा अग्र पङ्गतिमा आउने नाम हो । उनै अनुप यतिबेला भने केहि फिल्ममा ‘प्रोटागोनिष्ट’ रोलमा पनि उनि अभिनय गरिरहेका छन् । अनुप यो समयमा ‘हाइ डिमाण्डेड’ अभिनेता हुन् भन्दा फरक पर्दैन । उनले आफैमा स्टारको ट्याग पाइसक्दा सुपरस्टारको ट्याग पाएका अनमोल केसीदेखि युवा स्टार प्रदिप खड्का सबैको फिल्ममा उनको उपस्थिति महत्वपुर्ण बन्दै गइरहेको छ त्यसैले त ‘कृ’ होस् या ‘लिलिबिली’ उनि सँगसँगै देखिए ।
पछिल्लो पटक फ्लोरमा रहेको अनमोलकै फिल्म ‘क्याप्टेन’मा पनि अनुपको आवश्यकता हुँदा अफर पुग्यो । तर अनुपले ‘क्याप्टेन’ नगर्ने पक्कापक्की भएको छ । जानकारीमा आएअनुसार ‘कप्स’ नामको नयाँ फिल्ममा अनुप अनुबन्ध भइसक्दा पुगेको अफरलाई समय अभावको कारण अनुपले नगर्ने भएका हुन् । हालै ‘जय सम्भो’र ‘जाइरा’ को सुटिङ सकाएका अनुप यतिबेला ‘कप्स’को कसरतमा व्यस्त छन् ।
फिल्मीनेपालसँगको कुराकानीमा ‘क्याप्टेन’ छोडेको कुरा स्विकार्दै अनुपले छिट्टै फ्लोरमा जान लागेको ‘कप्स’मा अनुबन्ध भएको बताए । श्रोतका अनुसार महँगो लगानीमा बन्न लागेको उक्त फिल्मको लागि अनुपले मोटो पारिश्रमिक पनि लिएका छन् । अनुपले एक निडर, कर्तव्यनिष्ठ र देशभक्त प्रहरि अधिकृतको भुमिकामा ‘कप्स’मा आफु देखिन लागेको बताए ।
सम्राट सापकोटाको डेब्यू निर्देशनमा बन्न लागेको उक्त फिल्ममा नव अभिनेत्री सन्दीपा लिम्बु अनुपको अपोजिटमा देखिनेछिन् । राष्ट्रिय तथा अन्तर्राष्ट्रिय मोडलिङ करियर बनाइसकेकी सन्दीपासँगै अमित गिरी उक्त फिल्ममा लिड रोलमा रहने बताइएको छ । अमित यसअघि ‘कृ’ फिल्ममा अनुपसँगै देखिएका थिए ।
एक्शन लभस्टोरी जनरामा बन्न लागेको फिल्मलाई काठमाडौंसँगै विदेशमा खिचिने बताइएको छ । राम शाक्य प्रस्तुतकर्ता रहने फिल्म सारा श्री र आर्या मुभिजको ब्यानरमा तयार हुनेछ । वर्कसप सहितका सबै तयारी सकिइसक्दा पनि फिल्मको फ्लोर मिति भने खुलाइएको छैन् ।
