‘काले दाई’को पहिलो गीत रिलिज

फिल्म ‘काले दाई’को पहिलो गीत सार्वजनिक गरिएको छ । ‘राइफलको सिरानी’ बोलको लोकलयमा आधारित गीत हालै युट्युवमा रिलिज गरिएको हो । फिल्मलाई शिव शर्माले निर्देशन गरेका छन् ।

सुमन बैरागीको शब्द र दीपक शर्माको संगीतमा तयार भएको सार्वजनिक गीतमा धुर्व र सहिमा श्रेष्ठको स्वर छ । रामजी लामिछानेले कोरियोग्राफी भरेको गीतमा इन्द्र राम्जाली, बिनु शाक्य र रामचन्द्र अधिकारीले कम्मर मर्काएका छन् ।

फिल्ममा इन्द्र राम्जाली, शिशिर भण्डारी, अनु पराजुली, रामचन्द्र अधिकारी, सुरेन्द्र केसी, गीता अधिकारी, विष्णु सापकोटा, सारिका घिमिरे, उत्तम केसी, गोविन्द श्रेष्ठ लगायतका कलाकारको अभिनय रहेको छ । रामेश्वर कार्कीले फिल्म खिचेका हुन् । फिल्मको रिलिज मिति तय छैन ।