‘रामकहानी’ गीत रिलिज, पूजा र आकाशको लोभलाग्दो केमेष्ट्रि (भिडियो)

फिल्म ‘रामकहानी’ले प्रचार प्रसारको सुरुवात गरेको छ । भदौलाई रिलिज तार्गेट गरिएको फिल्मको सोमबार पहिलो गीत रिलिज गरियो । अभिनेत्री पूजा शर्माको जन्मदिनको अबसरमा फिल्मको रोमान्टिम गीत रिलिज गरिएको हो । ‘तिम्रो लागी म’ बोलको गीतमा पूजासँगै आकाश श्रेष्ठ मुख्यतः फिचर छन् ।

गीतमा लिड कलाकार केदार घिमिरे, जितु नेपाल, विल्सन विक्रम राइलाई पनि देख्न सकिन्छ । सुगम पोखरेल र अञ्जु पन्तले स्वर दिएको गीतमा शब्द संगीत अर्जुन पोखरेलको छ । एरेञ्ज महाराज थापाले गरेका छन् । कोरियोग्राफी कविराज गहतराजको छ । कविराजले आर्टिस्टहरु माझ एक अर्कामा गज्जबको केमेष्ट्रि देखाएका छन् ।

सुदर्शन थापाको निर्देशनमा बनेको फिल्मले कमेडीसँगै रोमान्टिक लभस्टोरी जनरा बताइएको छ । फिल्ममा रविन्द्र झा, राजाराम पौड्याल, शिशिर राणा, विशाल पहारी, सुनिता श्रेष्ठ ठाकुर पनि लिड रोलमा छन् । फिल्मका निर्माता अभिनेत्री पूजा र निर्देशक सुदर्शन स्वयम हुन् ।