संगीतालाई ‘डोली’ चढाउँदै भँगेरी डन !

सामाजिक कथावस्तुलाई पृष्ठभुमी बनाएर फिल्म ‘डोली’ बन्ने भएको छ । शनिबारबाट यो फिल्मको छायांकन सुरु पनि भयो । किरण नेपालीको लगानी रहने उक्त चलचित्रको छायांकन नुवाकोटबाट सुरु भएको छ भने फिल्मको छायांकन रारा ताल जुम्ला तथा काठमाण्डौमा समेत हुने निर्माण पक्षले बताएको छ ।

जय राम थापाको सिनेमाटोग्राफी रहने फिल्ममा किशोर खतिवडा,अर्जुन गुरुङ उर्फ ‘भँगेरी डन’, हिमवाला गौतम , नविनराज रेग्मी, शानिया खान, संगिता नापित, शतिस खत्री तथा बिरने डिसी लगायतका कलाकारको अभिनय रहनेछ । यो फिल्म रिलिजको फिल्म बिराङ्गना, बृन्दाबन, पाठशाला, लाटी लगायतका फिल्म निर्देशन गरिसकेका निर्देशक राज बहादुरको आफ्नै लेखन हो। ‘डोली’मा सि डि बिजय अधिकारी,राजकुमार बगर र बाबुल गिरीको संगित रहने छ भने मेलिना राई , अनुष्का पाठक,सि डि बिजय,मनिसा राई र युवराज चापगाईको स्वर रहेको छ ।

रामजी लामिछानेको कोरियोग्राफ रहने ‘डोली’को ३५ दिने छायांकन तालिका बनाईएको छ । निर्देशक सानेको पछिल्लो फिल्म ‘बिराङ्गना’ असार २९ मा रिलिज हुँदैछ ।