प्रदिपसँग जोडि बाँध्दै पुर्व आयुष्मान गर्ल परमिता !
अभिनेता आयुष्मान देशराज जोशीकी पुर्व प्रेमिका चपली हाइट २ फेम परमिता आर एल राना नयाँ फिल्ममा अनुबन्ध भएकी छिन् । गोपिकृष्ण मुभिजको तर्फबाट निर्माण हुन लागेको फिल्म ‘रोजी’मा युवा स्टारको उपमा पाएका प्रदिप खड्काको अपोजिटमा परमिता फाइनल भएकी हुन् ।
बिहिबार सम्पन्न एनएफडिसी राष्ट्रिय चलचित्र पुरस्कार समारोहमा फिल्मको फर्स्टलुक पोस्टर पनि सार्वजनिक गरियो । जहाँ प्रदिप र परमितालाई प्रेमभावमा प्रस्तुत गरिएको छ । फिल्म निर्माणमा गोपिकृष्णसँग आरोहि इन्टरटेन्मेन्टले साझेदारी गर्नेछ ।
निरक पौडेलको निर्देशनमा बन्ने फिल्मको फ्लोर डेट तय छैन । फिल्ममा प्रदिप र परमितासँगै रविन्द्र खड्का, प्राक्षी श्रेष्ठ लगायत लिड अभिनयमा रहने प्राप्त जानकारीमा उल्लेख छ । नामले नै प्रेमभाव बोल्ने फिल्म लभस्टोरी जनरामा बन्नेछ ।
