ऋतिक रोशन भर्सेज टाइगर श्राफ भिडन्त पक्का !
वलिउडमा पछिल्लो क्रममा उदाएका एक्सन हिरो हुन् टाइगर श्राफ । उनले छोटो समयमा कैयौँ युवा फ्यान आफ्नो पोल्टामा पारिसकेका छन् । उनलाई क्रस मान्ने युवतीहरुको भिड सामाजिक सञ्जालका भित्ताहरुमा छरपष्ट देखिन्छ । यस्तै टाइगर जस्तै फलोअर्स भएका एक्सन स्टार हुन् ऋतिक रोशन ।
अब भने पर्दामा दर्शकले एकसाथ यी दुईलाई देख्न पाउने भएका छन् । तर उनिहरु एक अर्काका दुश्मन बन्नेछन् आफ्नो फेभरमा एक अर्का भिड्नेपनि छन । यी दुई सिक्स प्याक हिरोलाई एकसाथ फिल्ममा ल्याउने काम यशराज फिल्मस् ले गर्न लागेको हो । समाचार कन्फर्म भएको छ कि यशराज ब्यानरको अपकमिङ अनटाइटल प्रोजेक्टमा यी दुई एकसाथ देखिँदैछन् ।
त्यसो र टाइगर उदाउँदै गर्दा सुरुवाती दिनमा बलिउडमा उनलाई धेरैले दोश्रो ऋतिकको उपमा समेत दिएका थिए । अब भने यी दुई स्टारलाई एकसाथ पर्दामा देख्न पाउँदा धेरै फ्यानहरुमा खुशी छाएको बलिउड मिडियाहरुले लेखेका छन् ।
