‘कहिँ कतै’ गीत रिलिज, कति बोल्ड शिवानी ? (भिडियो)
श्रावण २५ गते रिलीज हुने फिल्म ‘कहिँ कतै’को गीत सार्वजनिक गरिएको छ । यसअघि नै भारतमा रिलीजको लागी यूट्यूवमा रिलीज भईसकेको गीत ‘झ्वाँईय झान’ बोलको गीत औपचारिक रुपमा बिहिवार सार्वजनिक गरिएको हो ।
सचिन सिंहको संगीत रहेको गीतमा सचिन र श्रृजना सिलालको स्वर रहेको छ भने गौरव अर्पणका शब्द रहेका छन् । यो गीतका कोरियोग्राफर कविराज गहतराज हुन् । फिल्मका अन्य गीतमा कमल राईको कोरियोग्राफी रहेको छ ।
बिहिबार आयोजना गरिएको कार्यक्रममा फिल्मका प्रमूख कलाकारहरु शिवानी गिरी र सोनम बरफुङ्गपाको उपस्थिती थियो । यि दुवै कलाकार यहि चलचित्रबाट नेपाली चलचित्रमा डेब्यू गरेका हुन् । कार्यक्रममा शिवानीको बोल्ड अबतारले मिडियाको क्यामेरा आकर्षण गर्यो भने गीतमा पनि उनलाई बोल्ड लुक्समा देख्न सकिन्छ ।
सिक्कीम स्थायि घर भएकी नव-नायिका गिरी मिस भारत र मिस हिमालयनमा फर्स्ट रनरअप भएकी थिइन् । हाल उनले अन्य दुई छायांकनरत नेपाली चलचित्रमा अभिनय गरिरहेकी छिन् । यो फिल्ममा दिलीप रायमाझी, किशोर खतिवडा तथा निर्मात्री उमा ‘बेबी’ गिरीको पनि प्रमूख अभिनय रहेको छ । शबिर श्रेष्ठले लेखन-निर्देशन गरेका छन् ।
शिव ढकाल र बाबु श्रेष्ठको छायांकन रहेको फिल्मलाई अर्जुन जिसीले सम्पादन गरेका छन् । द्वन्द्व निर्देशक रोशन श्रेष्ठको रहेको छ ।
