पुष्प र अनुको रोमान्सले राख्यो १ करोड भ्यूजको किर्तिमान !
शिव परियारको स्वर समावेश गीत ‘पिलायो साथीले’लाई युट्युवमा १ करोड पटक हेरिएको छ । पछिल्लो समय नेपाली फिल्मका विभिन्न गीतहरुले युट्युवमा करोड भ्यूजको किर्तिमान राख्दै गर्दा भेट्रान सिङ्गर परियारको यो गीत पनि १ करोड बढि पटक हेरिएको सुचीमा परेको छ ।
प्रेम र मादक पदार्थको नशारुपी अबतारमा भिडियोमा स्टार मोडल तथा अभिनेता पुष्प खड्कासँगै अभिनेत्री अनु शाह फिचर छन् । १ करोड बढि भ्यूजपछि पुष्पले सामाजिक सञ्जालमार्फत खुशी साट्दै दर्शक, श्रोता र शुभचिन्तकहरुलाई धन्यबाद लेखेका छन् । पुष्प फिचर पछिल्लो पटक फिल्म ‘मंगलम’को ‘पर्ख पर्ख मायालु’ले पनि गत महिना १ करोड बढि भ्यूजको माइलस्टोन पार गरेको थियो ।
‘पिलायो साथीले’ गीतमा शब्द नेहारिका लक्ष्मी शाहीको छ भने संगीत ताराप्रकाश लिम्बुको छ । एरेञ्जको काम राजन इशानले गरेका छन् । जेनियस डिजिटल म्युजिकले गीतलाई बजारमा ल्याएको हो । यो गीत २०१५ को अगष्ट १० मा युट्युवमा अपलोड गरिएको थियो । पछिल्लो समय सदाबहार हिट गीत संगीतको सुचीमा पनि यो गीत परिसकेको छ ।
