झरना क्याम्पबाट सलिन र साम्राज्ञी आउट
फिल्म ‘ए मेरो हजुर २’ मा दर्शकको रोजाईमा परेको जोडी हो सलिनमान बानियाँ र साम्राज्ञी राज्यलक्ष्मी शाहको जोडी । दर्शकले जति मन पराए उति नै यो जोडी पर्दामा फिट भयो । फिल्मले वक्सअफिसमा पनि कमालको बिजनेस गर्यो । यो जोडीलाई अब ए मेरो हजुर’को तेश्रो सिक्वेलमा पनि देख्न दर्शक प्रतिक्षित थिए, तर उक्त सपना भने पुरा नहुने भएको छ ।
हालै खबर बाहिरिएको छ कि उक्त फिल्मकी निर्मात्री तथा निर्देशक झरना थापाले सलिन र साम्राज्ञी दुबैलाई तेश्रो सिक्वेलमा नलिने निर्णय गरिसकेकी छिन् । ए मेरो हजुर २ रिलिजको समयमा नै झरना र साम्राज्ञीको सम्बन्ध राम्रो नभएको भन्ने गसिप बाहिर आइरहेको कुरालाई स्मरण गर्दा उक्त घटनालाई सहि हो भन्नेहरुलाई कहिँकतै झरनाको पछिल्लो निर्णयले इट्टा थपेको छ ।
यस्तै सलिनमान पनि अपकमिङ संस्करणमा नहुने पक्का हुँदा किन र के को लागी भन्ने तर्कमा झरनाले न्यूकमर खोजेको तर्क पोखेकी छिन् । पुरानै अनुहार राख्दा नविनता नआउने भन्दै झरनाले ए मेरो हजुर ३ मा नयाँ अभिनेता अभिनेत्री रहने समेत बताएकी छिन् ।
त्यसो त यतिबेला साम्राज्ञी र सलिनमान दुबै फरक फरक प्रोजेक्टमा व्यस्त भइरहँदा समयको संभावित पावन्दीको कारण पनि झरनाले यो निर्णय लिएको हुनसक्ने समेत गाइगुइँ सुरु भएको छ ।
तश्विरः गुगल
