अर्जुनले दुर्गा भेट्न खोज्दा आठ लाखको नजर !
अर्जुन पोखरेल पछिल्लो क्रममा चल्तिका संगीतकारमा अग्र पङ्गतीमा आउने नाम हो । यदाकदा भनिन्छ, अर्जुनले हात हालेका सबैजसो कन्टेन्ट सुपरहिट हुन्छन् ! फिल्मको गीत संगीतमा सफल नाम अर्जुन बाहिरी गीतहरुमा संगीत भर्न र गायनका पनि उत्तिकै व्यस्त हुन्छन् । पछिल्लो पटक अर्जुन पोखरेलको स्वर र संगीत समावेश एक गीत यतिबेला चर्चामा छ ।
रिलिजको एक हप्ता नहुँदै अर्जुन पोखरेलको संगीत र दुर्गा खरेलको स्वर समावेश ‘भेटेरै सुन्नु छ’ बोलको गीतको भिडियोलाई ८ लाख बढि पटक हेरिएको छ । नेपाली युट्युव ट्रेण्डिङको १३ औं नम्बरमा यो गीतले स्थान ओगटेको छ । युवा पुस्तामाझ लोकप्रिय गायिकाको छबि बनाएकी दुर्गा र अर्जुनको संगीत र गायनको तालमेललाई धेरैले तारिफ दिएका छन् ।
सार्वजनिक गीतको भिडियोमा प्रियंका कार्की र पवन शर्मा मुख्यतः फिचर छन् । गीतको शब्द अमृत रेग्मीले लेखेका हुन् भने भिडियोलाई निर्देशन निशान घिमिरेले गरेका छन् । अर्जुन तिवारीले क्यामेरा चलाउँदा सम्पादनको काम विकास दाहालले गरेका छन् ।
