लम्फूको ‘सुको नहोस्’ रिलिजः क्लबमा कविर र सलोनको मस्ति

फिल्म ‘लम्फू’को डान्सिङ गीत रिलीज भएको छ । शुक्रबार निर्माण टिमले ‘सुको नहोस् यार’ बोलको गीत हाइलाइट्स नेपाल मार्फत युट्युव रिलिज गर्यो । गीतमा अर्जुन पोखरेलको संगीत छ । प्रमोद ढुङ्गानाले शब्द लेखेका छन् ।

शिव विकले कोरियोग्राफी गरेको गीतमा लिड कलाकार सलोन बस्नेत र कविर खड्का मुख्यतः फिचर छन् । शिव परियारले अडियोमा स्वर भरेका छन् । ‘लम्फू’ यहि बैशाख २८ बाट दर्शकमाझ आउँदै छ । यसअघि नै यो फिल्मका दुई गीत र ट्रेलर रिलीज भईसकेका छन् ।

गोपालचन्द्र लामिछानेको निर्देशनमा तयार ‘लम्फू’मा कबिर खड्का, मरिश्का पोखरेल, सलोन बस्नेत, चाँदनी शर्मा, सञ्जित भण्डारी, कुशाग्र भट्टराई(बालकलाकार), आयन खड्का, ओम गुरुङ्ग, अजित लामिछाने, सन्तोष कार्की, कुशल गुरुंग, काजोल, रश्मी भट्ट, जानुका पौडेल, पुष्प आचार्य, झलक कार्की, थमन सिंह पुर्जा लगायतको अभिनय रहेको छ । फिल्ममा तरकारीवालीको नामले संसारभर प्रख्यात कुशुम श्रेष्ठको पनि अभिनय रहेको छ ।

एक युवाको जीवनमा आईपर्ने विभिन्न उतारचढावको कथा फिल्मले बोल्छ । समय र परिस्थितीले मानिसलाई कहिले सकारात्मक त कहिले नकारात्मक बनाउछ भन्ने देखाउन खोजिएको ‘लम्फू’लाई पपुलर मल्टिमीडियाको लागि शक्तिबल्दभ घोरासैनीले निर्माण गरेका हुन् । फिल्ममा भूपतिको लेखन रहेको छ । दिपक बज्राचार्यले छायांकन गरेका हुन् ।