लभस्टोरी जनरामा ‘प्रेम वाणी’ घोषणा

लभस्टोरी जनरामा फिल्म ‘प्रेम वाणी’ बन्ने भएको छ । बिहिबार राजधानीमा एक कार्यक्रमको आयोजना गरी फिल्म निर्माणको घोषणा गरियो । सुशिल शाहीले फिल्म निर्माण गर्नेछन् । रिभान मल्ल निर्देशक छन् ।

फिल्मले सांगितिक प्रेमकथा पेस गर्ने आयोजित कार्यक्रममा जानकारी गराइयो । मिथुन हमाल, आरोही सिंह, शुशिल शाही, सन्तोष आर्चाय, रोशन बिसी लिड अभिनयमा रहने बताइएको छ । फिल्ममा आयुष बिसीको कथा रहनेछ भने बाबुल गिरी र आशिक श्रेष्ठको संगीत रहनेछ । विनोद सापकोटाले फिल्म खिच्नेछन् ।

कविराज गहतराजको कोरियोग्राफी रहने फिल्ममा श्री श्रेष्ठले द्वन्द्व निर्देशन गर्नेछन् । यहि बैशाख २० गतेबाट फिल्म फ्लोरमा जाने निर्माण टिमले जानकारी गराएको छ ।