बुद्धिलाई ‘हैट’ तगारो, साहित्यकार बने बले, ‘हैरान’ टिजर रिलिज (भिडियो)

विश्वकै कान्छा निर्देशकको रेकर्ड राखेका नेपाली निर्देशक सौगात विष्टको निर्देशनमा तयार फिल्म ‘हैरान’को टिजर ट्रेलर रिलिज भएको छ । फिल्ममा लिड कलाकारलाई कास्टिङ गरिएको टिजरमा कमेडी प्लटहरुलाइ प्राथमिकता दिईएको छ । फिल्मले पनि कमेडी जनरा बोल्छ ।

आगामी जेठ ४ बाट प्रदर्शनमा आउने तयारी स्वरुप प्रचार थालेको फिल्म निर्माण टिमले केहि दिन पहिले टाइटल गीत बाहिर ल्याएको थियो । फिल्मलाई सम्झना पोखरेलले निर्माण गरेकी हुन् । मुक्ति घले, सृष्टि घिमिरे र डा. वाइ एल लामाले लगानीमा साझेदारी गरेका छन् ।

सरोज खनाल, गजित विष्ट, सागर लम्साल उर्फ बले, बुद्धि तामाङ हैट, सत्यराज आचार्य, शिशिर भण्डारी, पुष्कर रेग्मी, निश्मा घिमिरे, आरोही शर्मा, एञ्जल राइ फिल्ममा लिड रोलमा छन् । निरज कंडेलले फिल्म खिचेका हुन् ।