जेठ १८ मा दयाहाङलाई ‘आइ लभ यू’को काउण्टर !
दयाहाङ राइ अभिनित फिल्म ‘भैरे’ आगामी जेठ १८ मा प्रदर्शनको लागी ‘अलमस्ट रेडी’ छ । अब भने सोहि मितिमा टक्कर दिँदै अर्को फिल्म प्रदर्शनमा आउने पक्का भएको छ । प्रेमकथाको फिल्म ‘बेवी आइ लभ यू’ले आफ्नो प्रदर्शन मिति जेठ १८ लाई नै फाइनल गरेको छ ।
शिव न्यौपानेको प्रस्तुती रहेको ‘बेवी आइ लभ यू’ मा सन्तोष खड्गी र पूजा पूजा तिवारी मुख्य भूमिकामा प्रस्तुत भएका छन् । उनीहरुसँगै अभिनेता सरोज खनाल र कलाकार निर्मल शर्माको पनि मुख्य भूमिका छ । फिल्मको कथा र संगीत मा नव नायक खड्गीको आफ्नै हो । काटुञ्ज क्रु फिचरिङ फिल्ममा समावेश कान्छी मायालु बोलको गीत सार्वजनिक भैसकेको छ ।
फिल्मले युवा दर्शकलाई हलमा आकर्षण गर्ने युवा निर्माता शिव न्यौपान बताउँछन् । फिल्मको छायाँकन मुस्ताङ, पोखरा र राजधानीमा गरिएको छ । फिल्ममा सृजना परियार र दुर्गा पाण्डे सह निर्माताको रुपमा छन् ।
उता भैरेलाई सुर्य बोहराले निर्देशन गरेका हुन् । जहाँ दयाहाङसँगै सुरक्षा पन्त, वर्षा शिवाकोटी, बुद्धि तामाङ लिड रोलमा छन् ।
