मनिषको अंगालोमा बोल्ड मलिना (भिडियो)

फिल्म ‘तिमी हुन्छौ जहाँ जहाँ’ले प्रचार प्रसार थालेको छ । मंगलबार आयोजित एक कार्यक्रमका बीच फिल्ममा समावेश गीत रिलिज गरियो । प्रेमभाव बोल्ने गीतमा अभिनेत्री पुर्व मिस नेपाल मलिना जोशी बोल्ड अबतारमा प्रस्तुत छिन् । उनलाई अभिनेता मनिष श्रेष्ठको अंगालोमा भेट्न सकिन्छ ।

‘तिम्रो हर स्वासमा’ बोलको गीतलाई आकर्षक लोकेशनमा खिचिएको छ । गीतमा अर्जुन पोखरेलको मिठास संगीत समावेश छ भने शब्द पनि पोखरेलले नै लेखेका छन् । अञ्जु पन्त र फिरोज बस्नेतले स्वर दिएका छन् । कोरियोग्राफी कविराज गहतराजको छ ।

बि एण्ड बी फिल्मस् को ब्यानरमा बनेको फिल्मलाई विकास बस्यालले निर्देशन गरेका हुन् । बस्यालकै कथामा तयार भएको फिल्ममा लगानी मदन दवाडी, बीना कार्की, दालचन्द्र दवाडी, प्रकाश बाँस्कोटा र हरिप्रसाद अधिकारीको छ । भुपेन्द्र अधिकारी र शालिक दुलालले सम्पादन गरेको फिल्मलाई काठमाडौंमा बिके फिल्मस् र मोफसलमा एफडी कम्पनिले वितरण गर्दैछ ।