जासुस बन्दा आलियाले के सम्म गरिन्ः हेर्नुहोस् ‘राजी’ ट्रेलर (भिडियो)

पछिल्लो पटक बलिउडमा दमदार अभिनय पस्किँदै फरक परिचय स्थापित गर्दै आएकी अभिनेत्री हुन् आलिया भाट । एकपछि अर्को मनछुने अभिनय पस्किँदै दर्शक तथा फ्यानहरुको माया बढाउँदै गएकी आलियाको पछिल्लो पटक रिलिज एक फिल्मको अभिनयले उनको कलालाई थप पुष्टि गर्छ ।

हालै उनि स्टारर फिल्म ‘राजी’को ट्रेलर रिलिज भएको छ । ट्रेलरमा नै समावेश उनको अभिनय दमदार लाग्छ । ट्रेलरमा उनलाई पाकिस्तानी सैन्य अधिकृतसँग बिहे गरेर भारतको लागी जासुसी गर्ने क्यारेक्टरमा प्रस्तुत गरिएको छ । ट्रेलरमा आलिया एक प्रेमी, दम्पति हुँदै पाकिस्तान छिर्छिन् ।

भारत पाकिस्तान युद्ध (१९७१) को सेरोफेरो जोडिएको फिल्म एक काश्मिरी युवतीको वास्तविक कथामा आधारित भनिएको छ । मेघना गुलजारको निर्देशनमा बनेको फिल्मलाई हरिन्दर सिक्काको उपन्यासमा आधारित भनिएको छ ।