रोहित र दीनाको यो कस्तो प्रेम (भिडियो)

एकपछि अर्को म्यूजिक भिडियोमा उपस्थिती बढाउँदै आइरहेका रोजल थापा निर्देशित ‘तिमी गयौं’ बोलको नयाँ म्यूजिक भिडियो सार्वजनिक भएको छ । लोकेन्द्र राईको स्वर रहेको गीतमा यमन सुवेदीको शब्द र राम सिटौलाको संगीत सुन्न सकिन्छ । गीतले प्रेमभाव बोल्छ ।

रोहित बस्नेत र दीना घिमिरे फिचर गीतमा यी दुई एकअर्काको साथ बिना बाँच्न नसक्ने कुरा गर्दैछन् । भिडियोमा यो कपलको केमेष्ट्री कमालको देखिएको छ ।

रोहितको यो पहिलो अभिनीत भिडियो हो । विरेन्द्र भट्टको छायांकन, श्याम कुँवरको सम्पादन रहेको भिडियोमा मेघराज मगरातीले ड्रोन चलाएका छन् ।