फिल्म रिलिजपछि साम्राज्ञी र नाजिरको मनमा आगो सल्कियो !
शुक्रबारबाट नेपाली पर्दामा फिल्म ‘तिमी सँग’ रिलिज भएको छ । तर मुख्य कलाकार नाजिर हुसेन र साम्राज्ञी राज्यलक्ष्मी शाहको रोमान्स समावेश एक गीत भने निर्माण टिमले रिलिजपछि मात्रै सार्वजनिक गरेको छ ।
शुक्रबार साँझ सार्वजनिक ‘मनमा आगो सल्कियो’ बोलको गीतमा नाजिर र साम्राज्ञी फिचर छन् । मेल भर्सनको गीतमा स्वर दीपक पाठकको छ भने संगीत कृथम कंडेल र दीपक पाठकको छ । कविराज गहतराजले कोरियोग्राफी गरेको गीतलाई चितवन आसपास खिचिएको छ । समावेश दृश्यहरु सुन्दर लाग्छन् ।
शिशिर राणाको निर्माण निर्देशनमा बनेको फिल्ममा आकाश श्रेष्ठ पनि लिड रोलमा छन् । शुक्रबारबाट प्रदर्शनमा आएको फिल्मले दर्शकबाट सुखत प्रतिक्रिया पाइरहेको छ । तर दर्शकको खास साथ कस्तो पाउँछ र कुन प्रकारको विजनेस गर्छ भन्ने भने शनिबार मात्रै टुंगो लाग्नेछ ।
