एउटै फ्रेममा प्रदिप र साम्राज्ञी, फिल्ममा एकसाथ देखिने संभावना कति ?
पछिल्लो पुस्ताका लोकप्रिय अभिनेता प्रदिप खड्का र अभनेत्री साम्राज्ञी राज्यलक्ष्मी शाहलाई नेपाल चलचित्र कलाकार संघले बर्ष २०७३ को लोकप्रिय कलाकारको अवार्ड प्रदान गरेको छ । आयोजकको तर्फबाट प्रदान गरिएको अवार्ड तर्फ नेपाली युवा युवतीका ढुकढुकी बनेका कलाकार द्वयले अवार्ड हात पारे ।
दुबैलाई प्रधानमन्त्री केपी शर्मा ओलीले अवार्ड प्रदान गरेका थिए । शुक्रबार आयोजित दोश्रो फान अवार्ड समायोहको सुरुवातीमा नै पपुलर अवार्डको रुपमा प्रदिप र साम्राज्ञीलाई अवार्ड प्रदान गरियो । ‘प्रेमगीत’ फिल्मबाट स्टारको उपमा पाएका प्रदिप र डेब्यू फिल्म ‘ड्रिम्स’देखि ‘ए मेरो हजुर २’ सम्म आउँदा स्टार अभिनेत्रीको ट्याग पाएकी साम्राज्ञी पछिल्लो समय नेपाली फिल्म उद्योगका ‘हटकेक’ मानिन्छन् ।
त्यसो त अवार्ड समारोहमा नै यो जोडी मिडियाको क्यामेरामा पहिलो पटक एउटै फ्रेममा कैद भएको छ । पछिल्लो पटक दुबैजना एउटै फिल्ममा आउने गसिपले चर्चा पाएको थियो । ‘भैरवी’ फिल्ममा एकसाथ देखिने चर्चाका बावजुत साम्राज्ञीले उक्त खबरलाई झुटो सावित गरेकी थिईन् ।
उता शुक्रबार देखिएको दृश्यले प्रदिपले पनि साम्राज्ञीसँग जोडी बाँध्य लालायित देखिएको अनुमान लगाउने ठाउँ छोडेका छन् । सुरुमा प्रदिपले अवार्ड लिएपछि उनलाई स्टेजमा नै पर्खाइयो र साम्राज्ञीलाई बोलाइयो । त्यसपछि प्रधानमन्त्रीसँग दुबैले एकसाथ दृश्य दिन नपाउँदै स्टेजको दायाँपट्टी रहेका फोटो पत्रकारहरुको लेन्समा कैद हुन प्रदिपले नै साम्राज्ञीलाई लिएर अघि बढेका थिए ।
पहिलो पटक क्यामेरामा एकसाथ कैद हुँदै गर्दा प्रदिप र साम्राज्ञीलाई एकसाथ देख्न चाहने फ्यानहरुको मनमा केहि हदसम्म भएपनि शान्ति मिलेको छ । फ्रेममा ‘क्यूट’ देखिएको यो कपल पर्दामा पनि एकसाथ देखिन्छ या देखिँदैन त्यो भने गर्भमा नै छ ।
यो पनिः
