‘शत्रु गते’ कलेक्सन सार्वजनिक, एक हप्तामै ६ करोड ! (बक्सअफिस)
फिल्म ‘शत्रु गते’ भोली अर्थात शुक्रबारबाट प्रदर्शनको दो्रो हप्ता प्रवेश गर्दैछ । यो बीचमा बिहिबार राजधानीमा एक कार्यक्रम गरी फिल्म निर्माण कम्पनिले फिल्मको हालसम्मको कलेक्सन सार्वजनिक गरेको छ ।
रिलिजको पहिलो ६ दिनमा फिल्मले झण्डै ६ करोडको बिजनेस गरेको रिपोर्ट मिडियामाझ सार्वजनिक गरिएको छ । फिल्मले हालसम्म ५ करोड ६७ लाख ग्रस बिजनेस गरेको बताउँदै गर्दा बिहिबार सहितको कलेक्सम ६ करोडको आसपास हुने अनुमान सहजै लगाउन सकिन्छ ।
उपत्यकाबाट ३ करोड २५ लाख र मोफसलबाट २ करोड ३७ लाख कलेक्सन गर्न फिल्म सफल भएको निर्माण टिमको दाबी छ । वितरक गोपालकाजी कायस्थ फिल्मको विजनेसबाट प्रफुल्लित देखिए । उच्च वर्ड अफ माउथ का कारण फिल्मले दोश्रो हप्तामा पनि राम्रो विजनेस गर्ने अनुमान निर्माण टिमको छ ।
प्रदिप भट्टराई निर्देशित फिल्म मह सञ्चारको प्रस्तुतीमा तयार भएको हो । फिल्मको दोश्रो हप्ताको मल्टिप्लेक्स शोज हरु पनि तय भएका छन् । क्युएफएक्समा फिल्मले दोश्रो हप्तामा पनि १९ शो हात पारेको छ ।बिग मुभिजमा ६ शो दिईएको छ भने एफक्यूबमा पनि ‘शत्रु गते’ले पाएको शो राम्रो देखिन्छ ।
