कान्तिपुरले लियो ‘दि भ्वाइस अफ नेपाल’को डिजिटल अधिकार, निर्धारित मितिमा नआउने पक्का
विश्व चर्चित रियालिटी शो ‘दि भ्वाइस’को नेपाली फ्रेञ्चाइज ‘दि भ्वाइस अफ नेपाल’को डिजिटल अधिकार कान्तिपुर टिभीले खरिद गरेको छ । अब यो रियालिटी शो कान्तिपुर एचडी टिभीमा प्रसारण हुनेछ । हालै कान्तिपुर एचडी र फ्रेञ्चाइज आयोजक टिमबीच लिखित सम्झौता भएको हो ।
रियालिटी शो लाई एचडी टिभीमै प्रसारण गर्नुपर्ने बाध्यताका बीच पनि कान्तिपुरको विकल्प रहेन । किनकी यसअघि गत वर्ष सम्पन्न पहिलो नेपाल आइटलको निर्देशक लक्ष्मण पौडेल सहितको टिमले नै यो फ्रेञ्चाएजलाई नेपाल भित्र्याएको थियो । यतिबेला नेपालमा एपी वान र कान्तिपुर मात्रै एचडी च्यानल छन् । नेपाल आइडल एपीवानको होम प्रोडक्सन समेत रहेकोले यो फ्रेू्चाइज उक्त टिभीमा प्रसारण नहुने पक्कापक्की थियो ।
एएनसी प्रोडक्सन एजेन्सीले निर्माण गर्ने यस रियालिटी शो यसअघि तोकिएको मिति आगामी असार महिनाबाट भने प्रसारण नहुने भएको छ । ‘दि भ्वाइस अफ नेपाल’ प्रसारण हुने भनेकै समयमा विश्वकप फुटबलको निर्धारित समय परेकै कारण असारमा शो प्रसारण नहुने भएको हो । अब यो शो श्रावण महिनाबाट मात्रै टेलिभिजनमा प्रसारण हुने आयोजक कम्पनि एएनसीका अध्यक्ष प्रह्लादसिंह महतले बताएका छन् ।
उक्त रिलायाली शोमा फिरोज तिमल्सिना प्रमुख सहायक निर्देशकको रुपमा रहेका छन्। सुशील नेपालले सञ्चालन गर्ने उक्त शो मा निर्णायकको भूमिकामा वरिष्ठ गायक दीप श्रेष्ठ, प्रमोद खरेल,सनुप पौडेल र अबया सुब्बा रहने छन्।
‘द भ्वाईस अफ नेपाल’को विजेतालाई ‘भ्वाईस अफ नेशन’ घोषणा गर्ने आयोजकले बताएको छ । सँगै विजेताले २५ लाख नगद, नयाँ कार, २० लाख बराबरको भिडियो एल्बमको सम्झौता तथा विश्व भ्रमणको अवसर
प्राप्त गर्नेछन् ।
