फर्स्टलुक पोस्टरमा यस्तो देखियो ‘चिनो’ हिरोको ‘मनाङ्गे नानी’
फिल्म ‘मनाङ्गे नानी’को फर्स्टलुक पोस्टर रिलिज भएको छ । राजधानीमा आयोजित एक कार्यक्रमका बीच निर्माण टिमले फिल्मको पोस्टर रिलिज गर्यो । पोस्टरमा यसअघि ‘चिनो’ फिल्ममा देखिएका अभिनेता भिम गुरुङ र अभिनेत्री शान्ती गुरुङ प्रेमभावमा लिप्त छन् ।
आगामी बैशाख १४ लाई प्रदर्शन मिति तय गरेको फिल्मको निर्माण कम्पनिले प्रचार प्रसारलाई अघि बढाउने उद्देश्यले पोस्टर रिलिज गरेको बतायो । फिल्ममा रिया गुरुङ, जेनिशा गुरुङ, कुशल गुरुङ, जेनिशा गुरुङ, खुशी गुरुङ पनि लिड अभिनयमा छन् ।
मनाङको प्रसिद्ध ताल तिलिचो आसपासमा फिल्मका अधिकांश दृश्यहरु खिचिएको छ । फिल्मको निर्देशक खुसबहादुर गुरुङले गरेका हुन् । कथा, पटकथा तथा संगीत पनि निर्देशक गुरुङकै छ । गौतम गुरुङ, सोलेबहादुर गुरुङ, भिमराज गुरुङ र टिकामाया गुरुङ फिल्मको निर्मातामा छन् ।
श्रीकृष्ण फुयाँलले खिचेको फिल्ममा द्वन्द्व जनक गुरुङको छ भने सम्पादन मित्र गुरुङको छ । सुभेच्छा फिल्म प्रोडक्सनको ब्यानरमा ‘मनाङ्गे नानी तयार भएको हो ।
