आकाश र आश्माको ‘ड्रिम गर्ल’, रिलिज घोषणा
ऋषिराज आचार्य निर्देशित फिल्म ‘ड्रिम गर्ल’को प्रदर्शन मिति तय भएको छ । असार २९ गतेदेखि देशब्यापी रुपमा फिल्म प्रदर्शनमा आउने निर्माण टिमले बताएको छ । फिल्मलाई डिसिएनले वितरण अधिकार लिएको छ ।
निर्देशक आचार्यले ‘ड्रिम गर्ल’ डिसिएनले वितरण गर्ने सम्झौता भएको बताउँदै प्रदर्शन मिति सार्वजनीक गरेका हुन् । फिल्ममा आकाश श्रेष्ठ, आश्मा गिरी, विल्सन विक्रम राई, सरोज खनाल, अर्जुन श्रेष्ठ, सुरवीर पण्डितलगायतका कलाकारले अभिनय गरेको फिल्ममा झण्डै दुई करोड बढी लगानी लागेको बताइन्छ ।
काठमाडौ, मुस्ताङ, राराताल तथा थाइल्याण्डका विभिन्न स्थानमा खिचिएको फिल्मको मुख्य निर्माता पनि निर्देशक निर्देशक रहेका ऋषिराज आफै हुन । सह-निर्मातामा अर्जुन शर्मा, दक्षिण भारतको रिल एण्ड रियल सिनेमाका अन्टा रोचा रोवन र रामेश्वर घिताल छन् ।
आरबी मुभीजको ब्यानरमा बनेको प्रेम कथाको फिल्ममा अर्जुन पोखरेलले संगीत छ । राहुल राईले खिचेको फिल्मको सम्पादन नवीन निरौलाले गरेका हुन् । केही दिनपछि फिल्मको एउटा गीत सार्वजनीक गरिने निर्देशकले जानकारी दिएका छन् ।
